Бухоро вилояти Ғиждувот туманида яшовчи 34 ёшли ўғил уйига спиртли ичимлик олиб келиб ўз хонасида ича бошлайди. Қўшни хонада носоғлом ўғлининг турмуш тарзидан шикоят қилаётган онанинг ноласи фарзандининг ғашига тегади.
Жахл отига минган ўғил омборхонадан темир болтани олиб онасини тинчитиш мақсадида у ётган хонага киради ва кўзи ожиз онасининг бўйнига ўзи билан олиб келган болта билан уриб ўлдиради.
Жиноят ишлари бўйича Ғиждувон туман судида мазкур жиноят иши кўриб чиқилди ва судланувчига нисбатан ҳукм ўқилди. Суд ҳукмига кўра, судланувчи 18 йил 1 ой муддатга озодликдан маҳрум этилди. Жазони қаттиқ тартибли колонияларда ўтаттириш белгиланди.