Туркия президенти Ражаб Тоййиб Эрдоған Бол-у провинциясидаги Карталкая тоғ-чанғи курортидаги меҳмонхонада камида 80 нафар кишининг ҳаётига зомин бўлган ёнғин муносабати билан чоршанбани миллий мотам куни деб эълон қилди, дея хабар берди esp.md.
Бундан ташқари, Туркия етакчиси содир бўлган воқеага алоқадор барча шахсларни жавобгарликка тортишга ваъда берди.
Ёнғин 11 қаватли меҳмонхонанинг тўртинчи қаватида, сешанба куни эрталаб содир бўлган. Ички ишлар вазири Али Ерликаянинг маълум қилишича, Болу Карталкаядаги меҳмонхонада содир бўлган ёнғин оқибатида ҳалок бўлганлар сони 76 нафарга етган. Ушбу ҳодиса бўйича 9 киши қўлга олинган. Ёнғин пайтида меҳмонхонада 234 киши бўлган. Расмийлар суриштирув бошлаган.
Эслатиб ўтамиз, Туркиянинг тоғ-чанғи курортидаги меҳмонхонада содир бўлган ёнғин бир неча кишининг ҳаётига зомин бўлгани ҳақида хабар берган эдик.
Маълумот ўрнида, Кероглу тоғлари чўққисида жойлашган Карталкай тоғ-чанғи курорти қишки дам олиш учун машҳур маскан ҳисобланади. У Болу шаҳридан тахминан 40 км ва Истанбулдан 270 км узоқликда жойлашган.