Туркиянинг тоғ-чанғи курортидаги меҳмонхонада содир бўлган ёнғин 10 кишининг ҳаётига зомин бўлди, 30 дан ортиқ киши жароҳатланди. Туркия Ички ишлар вазирлиги раҳбари Али Ерликаянинг айтишича, сешанба куни кечқурун Туркиянинг шимоли-ғарбидаги Карталкаядаги меҳмонхона ресторанида ёнғин содир бўлган.
Тоғ-чанғи курорти жойлашган Болу провинцияси губернатори Анадолоу давлат ахборот агентлигига ҳалок бўлганлардан иккитаси ваҳимага тушиб, бинодан сакраб тушганини маълум қилди.
Губернатор Абдулазиз Айдиннинг сўзларига кўра, фожиа содир бўлган пайтда меҳмонхонада 234 киши яшаган.
NTV телеканалининг хабар беришича, баъзи одамлар чойшаблар ёрдамида ўз хоналаридан тушишга уринган. Телевизион кадрлардан кўриниб турибдики, меҳмонхонанинг томи ва юқори қаватларини олов қамраб олган. Ёнғин сабаби ҳозирча номаълум.
Губернатор идорасининг маълум қилишича, ёнғин жойига 30 та ўт ўчириш машинаси ва 28 та тез тиббий ёрдам машинаси жалб қилинган.