АҚШ сайланган президент Дональд Трамп лавозимга киришганидан кейин барча урушларга масъулият билан чек қўйишга ҳаракат қилади. Бу ҳақда 14 январь куни мудофаа вазири лавозимига номзод Пит Хегсет Сенатдаги эшитувларда маълум қилди.
"Ниҳоят, биз ўз ресурсларимиз устуворлигини таъминлаш ва каттароқ таҳдидларга йўналтириш учун барча масъулият билан урушларга чек қўямиз," - деди у YouTube'даги FOX телеканали эфирга узатган чиқишида.
Бундан ташқари, Хегсетнинг таъкидлашича, агар у лавозимга тасдиқланса, Қуролли Кучлар АҚШнинг амалдаги президенти Жо Байден давридаги каби сиёсатдан йироқ бўлади.
