Аввалроқ, ижтимоий тармоқларда блогер "Жасжан"нинг жамиятда юриш-туриш қоидаларини бузганлигини акс этган видеоси тарқалиб, турли муҳокамаларга сабаб бўлган эди.
Маълум қилинишича, ҳолат жорий йилнинг 13 январь куни Шайхонтоҳур туманида жойлашган боғларнинг бирида содир бўлган. Унда 1997 йилда туғилган Ш.Ж. ва 2005 йилда туғилган С.С. билан жамоат жойида жанжал чиқарган.
Ўтказилган текширув жараёнида ушбу ҳолат Ш.Ж. ва унинг таниши С.С. томонидан ўзаро саҳналаштирилганлиги ва ижтимоий тармоқда жойлаштириш учун видеога олинганлиги аниқланган.
Мазкур ҳолат юзасидан МЖтКнинг 183-моддаси (“майда безорилик”) билан маъ баённома расмийлаштирилган.
Ҳолат юзасидан суд иши ЖИБ Шайхонтоҳур туман судида кўриб чиқилди.
Суд ҳукмига кўра, блогер Ж.Ш.га нисбатан МЖтКнинг 183-моддаси билан 5 сутка маъ қамоқ жазоси тайинланди.
С.С. ҳам МЖтКнинг 183-моддасида назарда тутилган ҳуқуқбузарликни содир этганликда айбли деб топилиб, МЖтКнинг 33-моддасини қўллаб, унга нисбатан БҲМнинг 1 баравари миқдорида 375.000 сўм жарима жазоси тайинланди.
Эслатиб ўтамиз, аввалроқ атроф-муҳитни ифлослатиргани учун блогер "Жасжан" БҲМнинг 5 баробари — 1 млн 875 минг сўм ми жарима жазоси қўлланилган эди.
