Тошкент вилояти “Ғишткўприк” чегара божхона пости орқали Ўзбекистонга кириб келган фуқаро бошқарувидаги енгил автотранспорт воситаси божхона кўригидан ўтказилган. Бу ҳақда вилоят божхона бошқармаси Матбуот хизмати хабар қилди.
Божхона кўриги давомида автоуловнинг юк хонасида йўловчи божхона декларациясида ёзиб кўрсатилмаган ва оғзаки сўровда маълум қилинмаган 600 дона ҳайвон шохлари борлиги аниқланди.
Бундан ташқари, “Ғишткўприк” чегара божхона постига пиёда ҳолда кириб келган фуқаро ўзига тегишли бўлган қўл юклари божхона кўригидан ўтказилганда, 2 дона қопда оғзаки сўровда маълум қилинмаган ҳамда йўловчи божхона декларациясида ёзиб кўрсатилмаган 117 дона шоҳлар маълум бўлган.
Фанлар академияси Зоология институти экспертиза хулосасига кўра, аниқланган шохлар буғу турига мансублиги аниқланган.
Маълумот ўрнида, ушбу буғулар Евросиё мамлакатларида учраб, Ўзбекистон Қизил китоби рўйхатига киритилган.
Ҳозирда ҳолат юзасидан дастлабки суриштирув ҳаракатлари олиб борилмоқда.
https://t.me/tvbojxona/17264