Ўзгидромет хабарига кўра, бугун Ўзбекистоннинг кўплаб ҳудудларида ёғингарчиликсиз об-ҳаво кузатилади, фақат Қашқадарё, Сурхондарё вилоятларида ва кечаси Самарқанд, Жиззах вилоятларининг баъзи жойларида ёмғир ёғади, қорга айланиши мумкин.
Эртага, 4 январь куни Ўзбекистоннинг аксарият ҳудудларида ёғингарчилик (ёмғир, қор) кузатилади. Фақат Қорақалпоғистон, Хоразм вилояти ва Фарғона водийси вилоятларида ёғингарчилик кутилмайди.
5 январь, якшанба куни республика ҳудудининг катта қисмида ёғингарчиликсиз об-ҳаво кузатилади. Фарғона водийси ҳудудларида вақти-вақти билан ёғингарчилик кузатилади, асосан қор шаклида бўлади. Тошкент, Жиззах, Сирдарё вилоятларида фақат тунда ва эрталабки соатларда бироз қор ёғиши мумкин.
Кечаси ҳарорат 0...-5 даража совуқ, кундузи +4...+8 даража илиқ, қор вақтида +1...+3 даража илиқ бўлади.
Республиканинг айрим ҳудудларида туман кузатилади.
Республиканинг тоғ олди ва тоғли ҳудудларида баъзида ёғингарчилик, асосан қор шаклида кузатилади. Тоғларда қор кўчиши хавфи мавжуд.
Пойтахтда бугун, 3 январь куни ёғингарчиликсиз об-ҳаво кузатилади, ҳарорат +5...+7 даража илиқ бўлади.
Эртага, 4 январь куни кечқурун, шунингдек, 5 январь куни кечаси ва эрталаб вақти-вақти билан бироз ёғингарчилик (тунда қор) кузатилади. 5 январь куни кундузи ёғингарчилик кузатилмайди. Кечаси ҳарорат 0...-3 даража совуқ, кундузи +3...+6 даража илиқ бўлади.
Кечаси ва эрталабки соатларда жойларда туман тушади.
