Россияда Давлат думаси депутатлари рус тилидан имтиҳондан ўта олмаган мигрантларнинг фарзандларини рус мактабларига қабул қилишни тақиқловчи қонунни якуний ўқишда қабул қилди. У 2025 йил 1 апрелдан кучга киради.
Қонунга кўра, бошланғич умумий, асосий умумий ва ўрта умумий таълимнинг таълим дастурларини ўзлаштириш учун этарли бўлган рус тилини билиш учун тест синовларидан ўтмаган шахслар ушбу таълим дастурларини ўзлаштиришга рухсат этилмайди.
“Рус тилини билиш даражасининг пастлиги ёки муҳожирларнинг фарзандлари орасида унинг йўқлиги тилни билмаган, лекин синфда ўқиётган боланинг ўзи учун стрессни келтириб чиқаради, синфдошлари учун ҳам муаммо туғдиради. Ўқитувчилар уларга билимларни сифатли этказа олмайдилар, бу эса таълим дастурини ўзлаштиришда қийинчиликларга олиб келади. Рус тилини билмай туриб, бу мумкин эмас”, - деди Давлат Думаси раиси Вячеслав Володин.
Олий Мажлис Қонунчилик палатаси Спикери ўринбосари Алишер Қодиров ушбу янгиликка изоҳ берди. https://t.me/alisherQodir/2487
“Россиялик ҳамкасбларимиз рус тилини ўргатиш эмас, билмаганларни Россиядан, болаларини мактабдан ҳайдаш йўлини танладилар”, — деб ёзди у Telegram'даги каналида.
Унинг фикрича, бу қонун постсовет мамлакатларида рус тилига бўлган эҳтиёжни ҳам, ҳурматни ҳам кескин камайтириши мумкин.
"Ўзбекистонда давлат идораларида ишлаётган юртдошларимиз ва уларнинг мактабларда таҳсил олаётган фарзандлари орасида давлат тилини умуман билмайдиган минглаб одамлар бор", – дейди Алишер Қодиров.
Электорат саволларига жавоб бериш учун ушбу тажрибанинг ижобий ва салбий томонлари синчиклаб ўрганилишини таъкидлади.