ИИВ Тезкор-қидирув департаменти ДХХ томонидан Тошкент шаҳрида ўзини шубҳали тутган ҳайдовчи кузатувга олинган. Ушбу машина Тошкент вилояти Паркент туманида тўхтатилиб, текширилган. Оқибатда духовка ичидан тахминий нархи 2 млрд 800 млн сўмга тенг бўлган 2 кг 160 гр синтетик гиёҳванд воситаси борлиги аниқланди.
Навбатдаги тезкор тадбир Чилонзор туманида ўтказилган. Унда 2 нафар шахс Lacetti автомашинасида келиб, махсус харидорларга 3 кг гашиш воситасини яширилган жойдан олиб берган вақтида ушланди.
Тезкор тадбирлар давомида ушланган 7 нафар шахсдан 3 кг гашиш гиёҳвандлик воситаси олинган.
Андижон шаҳрида ўтказилган тезкор тадбирда махсус харидорга 5 минг АҚШ долларга 1 кг гашиш моддасини сотаётган шахс ушланди. Бундан ташқари, 2000 йилда туғилган шахс Чилонзор туманида махсус харидорга 200 гр гашиш моддасини 3 минг АҚШ долларига сотаётган вақтида ушланган.
Ҳозирда юқорида қайд этилган ҳолатлар юзасидан жиноят ишлари қўзғатилиб, тергов ҳаракатлари олиб борилмоқда.
