Бугун, 17 декабрь куни соат 13:43 да Фарғона шаҳар "Янги йўл" МФЙ А.Яссавий кўчасида жойлашган АЁҚШ ва АГҚШ шохобчасида суюлтирилган газ тўкиш вақтида технологик жараёнларни бузилиши ҳамда техника хавфсизлиги қоидаларига риоя қилмаслиги оқибатида чақнаш содир бўлган ундан сўнг ёнғин юзага келган. Бу ҳақда вилоят Фавқулодда вазиятлар бошқармаси хабар қилди.
Маълум қилинишича, ёнғин-қутқарувчилар 13:47 да етиб борган. Ёнғин 14:02 да ўраб олиниб, 14:12 да батамом ўчирилган.
Ёнғин оқибатида 1 нафар фуқаро вафот этган, 4 нафар фуқаро тан жароҳати олган.
"8 нафар фуқаролар тиббиёт ходимлари назоратида",- дейилади хабарда.