Ўзэнергоинспексиянинг маълум қилишича, Тошкент шаҳри ва вилоятидаги АЁҚШларда автобензин давлат стандарт талабларига мос келмаслик ҳолатлари аниқланган.
Жумладан, Тошкент шаҳри Бектемир туманида жойлашган "Х.А." МЧЖларга қарашли автомобилларга ёнилғи қуйиш шохобчасида сотилаётган автобензиндан намуна олиниб, лаборатория таҳлилларидан ўтказилганда, AI-92-маркали автобензин давлат стандарт талабларига мос келмаслиги (сифатсиз) аниқланди.
Бу каби ҳолат Тошкент вилояти Зангиота туманидаги “К.Т.” МЧЖга қарашли АЁҚШда ҳам AI-92-маркали автобензин сифатсиз эканлиги маълум бўлди.
"Ушбу ҳолатлар юзасидан қоидабузарликка йўл қўйган ушбу АЁҚШлар биржа савдоларида иштирок этиши вақтинча тўхтатилди",- дейилади хабарда.