Иқтисодиёт ва молия вазирлигида кадрлар таркибида ўзгаришлар рўй берди, деб хабар берди вазирлик расмий сайти.
Умид Қутпитдинович Абидхаджаев вазирнинг янги ўринбосари этиб тайинланди. У 2021 йил май ойидан буён Прогнозлаштириш ва макроиқтисодий тадқиқотлар институти директори лавозимида ишлаб келаётганди.
У бунгача Иқтисодий тадқиқотлар ва ислоҳотлар маркази директори ўринбосари, шунингдек, Инфратузилмавий лойиҳаларни таҳлил қилиш гуруҳи раҳбари вазифасини бажарувчи лавозимида ишлаган.
Умрзоқов Илҳомжон Ўринбой ўғли ҳам иқтисодиёт ва молия вазирининг янги ўринбосари - Давлат-хусусий шерикликни ривожлантириш департаменти директори этиб тайинланди.
Қаршибоев Жасур Ҳазратқулович 2023 йил августидан буён иқтисодиёт ва молия вазири ўринбосари лавозимида ишлаб келаётганди. Энди у вазир маслаҳатчиси лавозимини эгаллади.
Иқтисодиёт ва молия вазирининг ўринбосари лавозимида ишлаб келган Абдулазиз Абдулаҳадович Ҳайдаров Ғазначилик хизмати қўмитаси раиси этиб тайинланди.
Бу лавозимда у ҳозирда Пенсия жамғармасига раҳбарлик қилаётган Отажонов Муродбек Бекберганович ўрнини эгаллади.
