Бугун юк машинаси ҳамда Lacetti автомашинаси иштирокида аянчли ЙТҲ содир бўлгани айтилган хабар ижтимоий тармоқларга сиздирилди. Ушбу ҳолат юзасидан ИИВ ЖХД ЙҲХБ Матбуот хизмати UzNews.uz'га маълумот берди.
Аниқланишича, ушбу ЙТҲ бугун, 14 декабрь куни соат 02:20 атрофида Наманган вилояти Поп тумани Қўшминор МФЙ ҳудудидан ўтган, А-373 “Тошкент-Ўш” автомобиль йўлининг 272 км.да. содир бўлган.
Lacetti ҳайдовчиси автомашинани Тошкент-Водий йўналишида бошқариб келаётган вақтида, Водий-Тошкент йўналишида ҳаракатланиб келиб йўлнинг ўнг томонидан чап томонига қайрилаётган DAF юк автомашинасига урилиши натижасида ЙТҲ содир бўлган.
Ушбу йўл-транспорт ҳодисасида Lacetti ҳайдовчиси олган тан жароҳатлари натижасида шифохонада вафот этган.