Бугун, 10 декабрь куни Олий Мажлиси Қонунчилик палатасининг навбатдаги мажлиси ўтказилмоқда.
Ялпи мажлисда оммавий тартибсизликлар мамлакатдаги тинчликка путур етказувчи, жамият осойишталигига рахна солувчи омил бўлиб бораётганлиги таъкидланди.
Қайд этилишича, амалдаги қонунчиликда оммавий тартибсизликлар ташкил қилганлик, уларда фаол қатнашганлик ва фуқароларга нисбатан зўравонлик қилишга омма олдида даъват қилганлик учун жиноий жавобгарлик белгиланган бўлса-да, бироқ оммавий тартибсизликлар содир этиш мақсадида ўқувдан ўтганлик, оммавий тартибсизликларни ташкил қилиш билан боғлиқ фаолиятни молиялаштирганлик учун тўғридан-тўғри жавобгарлик мавжуд эмас.
Мазкур қонун лойиҳаси билан ЖКнинг 244-моддасида оммавий тартибсизликлар содир этиш мақсадида ўқувдан ўтганлик ҳамда оммавий тартибсизликларни молиялаштирганлик учун жиноий жавобгарлик белгилаш таклиф қилинмоқда.
Қонун лойиҳаси депутатлар томонидан биринчи ўқишда қабул қилинди.