Бугун, 11 декабрь Тошкентдаги "Бунёдкор" стадиони анжуманлар залида футбол бўйича Ўзбекистон Суперлигасининг энг яхшиларини тақдирлаш маросими бўлиб ўтди.
Унга кўра, қуйидаги номинациялар бўйича футболчи ва мураббийлар йилнинг энг яхшилари бўлишди.
Йилнинг энг чиройли голи:
Сўровнома якунига кўра, Металлург футболчиси Марко Миличковичнинг Пахтакор жамоаси дарвозасига киритган голи мавсумнинг энг чиройли голи дея эътироф этилди.
Суперлига тўпурари:
"Пахтакор" футболчиси Драган Черан қаторасига олтинчи мавсум Суперлига тўпурари бўлиб келмоқда. Бу мавсум бунинг учун унга 13 та гол кифоя бўлди.
Суперлиганинг энг яхши ёш футболчиси:
"Сурхон" клубининг 19 ёшли аъзоси Абдуғофур Ҳайдаров эътироф этилди.
У элитада 12 баҳсда майдонга тушиб, 7 бор рақиблар дарвозасини ишғол қилди ва Лига талқинига кўра, йил жавоҳири номинациясида ғолибликни қўлга киритди.
Йил кашфиёти:
Самарқанднинг "Динамо" клуби етакчиси Анваржон Ҳожимирзаев мавсумнинг ҳақиқий кашфиёти бўлди. Ҳожимирзаев ушбу мавсум 10 та тўп киритган ҳолда Суперлигада энг кўп гол киритган ўзбекистонлик футболчи бўлди.
Йилнинг энг яхши ҳаками:
Йилнинг энг яхши мураббийи Шавкат Насибуллаевга насиб этди.
Fair-play соврини:
Ушбу соврин Олмалиқнинг ОКМК жамоасига насиб этди.
Йилнинг энг яхши хорижлик футболчиси:
Жиззахнинг "Сўғдиёна" клуби аъзоси Владимир Йовович 30 ёшли футболчи Суперлигадаги илк мавсумидаёқ 8 та гол ва 8 та ассист қайд этишга эришди.
Йил мураббийи:
Қаршининг "Насаф" клуби бош мураббийи Рўзиқул Бердиев жамоасини тарихий чемпионлик сари бошлаб борди ва йилнинг энг яхши мураббийи дея эътироф этилди.
Йил футболчиси:
Ушбу номинацияга Қаршининг "Насаф" клуби футболчиси Акмал Мозговой лойиқ кўрилди.