Uzbekistan Airways ўрта махсус, касб-ҳунар ва олий таълим муассасалари талабалари учун барча маҳаллий авиақатновлар эконом-класс авиачипталари тарифларига 50% гача чегирма эълон қилинди. Бу ҳақда Uzbekistan Airways Матбуот хизмати хабар берди.
Унга кўра, чегирма давлат муассасасида ўқишни тасдиқловчи ҳужжат асосида тақдим этилади ва чегирма шу йилнинг 23 декабридан бошлаб 2025 йил 7 январига қадар амалга ошириладиган авиақатновлар учун амал қилади.
Чегирмали авиачиптани Тошкентдаги Uzbekistan Airways Sales филиалида, унинг агентларидан Ўзбекистон ҳудудида ва booking.uzairways.com сайтида харид қилишингиз мумкин.
Йўловчи ташиш тарифларига қўшимча равишда турли солиқлар, йиғимлар ва тўловлар ҳам ўрнатилади. Уларга 50 фоизгача тақдим этиладиган чегирма амал қилмайди.
Батафсил маълумотни www.uzairways.com сайтидан олишингиз мумкин.