Бугун, 10 декабрь куни соат 03:49да Тошкент вилояти ФВБ Тезкор бошқарув марказига Қибрай тумани “Ғафур Ғулом” МФЙ ҳудуди А.Навоий кўчасида жойлашган МЧЖларнинг бирида ёнғин содир бўлаётганлиги ҳақида хабар келиб тушган.
Хабарга асосан, зудлик билан ёнғин жойига 16 та ёнғин ўчириш экипажлари жалб қилинган. Экипажлар ёнғин жойига соат 03:54 етиб бориб, ёнғин соат 05:50 да тўлиқ ўчирилган.
"Ҳодиса оқибатида тан жароҳати олган ва вафот этганлар йўқ",- дейилади хабарда.
Ҳозирда ёнғиннинг келиб чиқиш сабаби бўйича суриштирув ишлари олиб борилмоқда.