Общество

2 декабря, 20:49

“Тошкент -Хожикент -Тошкент” йўналишида янги тезюрар электропоезд қўйилади

Ушбу шаҳар атрофидаги йўналиш бир кун аввал Ўзбекистонга етказилган Россиянинг янги электропоездида ҳаракатланади.

railway.uz

Тошкент – ​​Хожикент – ​​Тошкент йўналишида янги тезюрар электропоезд қатнови йўлга қўйилмоқда. Бу ҳақда “Ўзтемирйўлйўловчи” АЖ матбуот хизмати хабар берди.

Қайд этилишича, янги тезюрар шаҳарлараро электропоезд жорий йилнинг 3 декабридан қатнай бошлайди.

Тезюрар электропоездлар қуйидаги жадвал асосида ҳаракатланади:

7201-сонли "Тошкент - Хожикент"
Тошкент 06:18 — Хожикент 07:42

7202-сонли "Хожикент - Тошкент"
Хожикент 08:02 — Тошкент 09:17

7203-сонли "Тошкент - Хожикент"
Тошкент 12:53 — Хожикент 14:03

7204-сонли "Хожикент - Тошкент"
Хожикент 14:33 — Тошкент 15:48

7205-сонли "Тошкент - Хожикент"
Тошкент 18:10 — Хожикент 19:20

7206-сонли "Хожикент - Тошкент"
Хожикент 19:45 — Тошкент 21:03

Тошкент бўлинмасининг ягона ҳудуд чипта нархи:

Умумий: 20 000 сўм
Болалар учун: 11 500 сўм этиб белгиланди.

Маълумот ўрнида, одатдаги жадвал асосида қатнаб келаётган электропоездларнинг қатнов вақтлари ўз ўрнида қолади ва жадвал асосида қатновларини давом эттиради.

Эслатиб ўтамиз, аввалроқ Ўзбекистон Россиянинг етакчи ишлаб чиқарувчиси "ДМЗ" АЖдан янги электропоезд олгани ҳақида ёзган эдик.