Охирги йилларда пойтахтда кўплаб бино ва яшаш мажмуалари қурилмоқда. Тошкент шаҳрининг деярли ҳар бир туманида қурилаётган янги ва замонавий кўп қаватли уйлар қулайлиги билан одамларни ўзига жалб қилмоқда.
Zarafshan Golden Group Ўзбекистондаги энг йирик қурилиш компанияларидан бири ҳисобланади. Компания фаолияти сифат ва ишончлилиги ҳамда барча нарсага ҳаққоний нарх қўйилгани ва сифатнинг доимо назоратда бўлиши билан ифодаланади.
Яқинда Яккасарой туманида бизнес марказ ва меҳмонхонани ўз ичига оладиган яна бир замонавий турар-жой мажмуасининг қурилишига старт берилди. «Ақлли уй» концепцияси доирасида амалга оширилаётган лойиҳанинг афзаллиги шундаки, қурилишда фойдаланилаётган материаллар охирги технологиялар ёрдамида ишлаб чиқарилган.
Қурилиш Zarafshan Golden Group компанияси томонидан молиялаштирилмоқда, лойиҳа бошқаруви эса Zarafshan Buildings МЧЖга юклатилган.
Zarafshan City'нинг умумий майдони 10 600 квадрат метрни, қурилишнинг умумий майдони эса 66 350 квадрат метрни ташкил қилади. Яшаш уйлари «А» ва «В» блокларига бўлинган. Ушбу блокларда 264 хонадон қурилади. Хонадонлар Европа стандарти бўйича лойиҳалаштирилган.
Меҳмонхона хоналари Standart, Double Suite, Lux, Delux Room ва Premium даражаларига бўлиниши назарда тутилган. Меҳмонхонада ресторанлар, фитнес клуб, туркча ҳаммом, SPA-салон ва бассейн бўлади. Меҳмонхона лоббисида эса таниқли брендлар бутиклари бўлиши режалаштирилган. Буларнинг барчасидан фақатгина хорижий меҳмонлар эмас, балки маҳаллий аҳоли ҳам фойдаланиши мумкин бўлади.
Шу билан бирга, бизнес марказнинг 15-18 қаватларида майдони 74 квадрат метрдан 1500 квадрат метргача бўлган офис учун жойлар бўлади. Бундан ташқари, Zarafshan City мажмуасида 400 машинани ўзига сиғдира оладиган 7000 квадрат метрли ер ости автотураргоҳи жойлашади.
Лойиҳани ишлаб чиқишда ҳар бир деталь ва ҳар бир яшаш метрига эътибор қаратилган. Бу ерда ҳозирнинг ўзида уй ёки офис учун жой сотиб олишни истаганлар келажак учун яхши пойдеворга эга бўлишади. Чунки харид қилинган ҳар бир жойга исталган ўзгартиришни киритиш имкони бор.
Энг асосийси Zarafshan City мажмуаси бу тажрибали ва юқори малакали муҳандислар бошчилигида қурилаётган премиум даражадаги уйлардир.
Реклама ҳуқуқлари асосида