Ички ишлар вазирининг буйруғи билан ИИВ Тезкор-қидирув департаменти жиноят қидирув хизмати бошлиғи полковник Ахроржон Ҳалимжонович Атхамов ва Тошкент шаҳар ИИББ бошлиғининг биринчи ўринбосари полковник Дониёр Бахтиёрович Тошхўжаев ишдан олинди.
Шунингдек, Тошкент шаҳар ИИББ Тезкор-қидирув хизмати Жиноят қидирув бошқармаси уюшган жиноятчиликка қарши курашиш бўлими бошлиғи подполковник Тимур Акрамович Собиров лавозимидан озод этилди.
Кадрлардаги ўзгаришларнинг сабаблари ҳозирча расман эълон қилинмаган.
