Бугун, 18 ноябрь куни соат 08:40 атрофида Шайхонтоҳур тумани Алишер Навоий кўчаси "Асалари уюшмаси" қаршисида йўл-транпсорт ҳодисаси содир бўлди. Бу ҳақда Тошкент шаҳар ИИББ ЙҲХБ Ахборот хизмати хабар қилди.
Аниқланишича, ушбу ЙТҲ ҳайдовчи Н.Р. бошқарувидаги Equinox ҳамда И.С. бошқарувидаги Chevrolet Traverse русумли транспорт воситалари иштирокида юз берган.
ЙТҲ оқибатида Chevrolet Traverse русумли транспорт воситасининг икки нафар йўловчисига биринчи тиббий ёрдам кўрсатилган.
"Ушбу ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда",- дейилади хабарда.
