Ўзгидромет хабарига кўра, бугун кундузи Ўзбекистон ҳудуди бўйича ноябрь ойининг иккинчи ярми учун деярли илиқ об-ҳаво бўлиши кутилмоқда, ҳаво ҳарорати +15...+20 дарада илиқ бўлади. Фақат Фарғона водийси вилоятларида қалин туман ҳисобига ҳарорат +8...+11 даражадан юқорига кўтарилмайди.
Республика ҳудудининг катта қисмида бугун қуруқ об-ҳаво сақланиб туради, фақат Қорақалпоғистон Республикаси, Хоразм, Бухоро, Навоий вилоятларида ва эрталаб Тошкент вилоятининг баъзи жойларида ёмғир ёғади.
Эртага 19 ноябрь куни республика ҳудудининг катта қисмида ёмғир ёғади (шимоли-ғарбий, шарқий ва республиканинг энг чекка жанубий ҳудудлардан ташқари). 20 ноябрь куни фақат Фарғона водийси вилоятларида ёмғир ёғиши кутилмоқда. Ҳарорат кечалари +3...+8 даража илиқ, кундуз кунлари +13...+18 даража илиқ бўлади.
21-22 ноябрь кунлари республиканинг айрим ҳудудларида ёмғир ёғиши мумкин. Ҳаво ҳарорати деярли ўзгармайди. Шамол йўналиши бироздан ўртача тезликгача ўзгариб туради, 21-22 ноябрда шимолда ва чўл ҳудудларда 13-18 м/с гача кучаяди.
Тоғ олди ва тоғли ҳудудларда 18-22 ноябрда вақти-вақти билан ёғингарчилик (ёмғир, қор) бўлади, 19-20 ноябрда баъзи жойларда ёғингарчилик кучли бўлиши мумкин.
Пойтахтда ёғингарчилик кутилмайди. Ҳарорат +18...+20 даража илиқ бўлади. Эртага 19 ноябрь куни вақти-вақти билан ёмғир ёғади. 20-21 ноябрда бироз ёмғир ёғиши мумкин, 22 ноябрда ёғингарчилик кузатилмайди. Ҳарорат асосан кечлари +5...+8 даража илиқ, кундуз кунлари +13...+18 даража илиқ бўлади. Шамол шарқдан 5-10 м/с тезликда эсади.