Тошкент вилояти божхона бошқармаси “Ғишткўприк” чегара божхона пост орқали қўшни мамлакатдан Ўзбекистонга кириб келаётган фуқаро шахсий кўрикдан ўтказилган. Бу ҳақда вилоят Божхона бошқармаси Матбуот хизмати хабар қилди.
Аниқланишича, фуқаро ўз танасининг оёқ қисмларига олдиндан яшириб олган, оғзаки сўровда маълум қилинмаган ҳамда декларацияланмаган 199 дона “Анаферон” номли дори воситаларининг борлиги маълум бўлган.
Маълумот ўрнида, ушбу дори воситаларининг тахминий суммаси 4 мл сўм бўлган.
Ҳозирда ҳолат юзасидан божхона органлари томонидан суриштирув ҳаракатлари ўтказилмоқда
