Жорий йилнинг 6 ноябрь куни соат 11:30 атрофида туман Тиббиёт бирлашмасига қарашли Юқумли касалликлар бўлимига 4 нафар беморни ошқозон-ичак фаолиятининг функциясини бузилиши ташхиси билан ётқизилганлиги юзасидан хабарнома берилган. Ушбу хабарномага асосан Cанэпидқўмита ходимлари томонидан санитария-эпидемиологик суриштирув ишлари олиб борилди.
Жорий йилнинг 5 ноябрь куни 2 нафар бемор тушлик вақтида Фарғона вилояти Ўзбекистон туманида жойлашган "fast food" маҳсулоти тайёрлаб сотиш шохобчасида хот-дог маҳсулотини истеъмол қилганлиги, яна 2 нафар бемор эса ушбу туманнинг "Оқтепа" МФЙ "Туркистон" кўчасида фаолият олиб бораётган "OQTEPA MINI FOOD" номли "fast food" маҳсулоти тайёрлаб, сотиш шохобчасида хот-дог маҳсулотини истеъмол қилганлиги маълум бўлди. Бу ҳақда Cанэпидқўмита Матбуот хизмати хабар берди.
"Беморлар шифохонада шифокорлар томонидан тиббий кўрикдан ўтказилиб, "Ошқозон-ичак фаолиятининг функциясини бузилиши" ташхиси билан бўлимга ётқизилди. Беморларнинг умумий ҳолати қониқарли. Ушбу ҳолат Санэпидқўмита мутахассислари томонидан тўлиқ назоратга олинган. Ўрганиш ишлари давом эттирилмоқда," - дейилади хабарда.