Бугун, 7 ноябрь куни соат 12:53 да Урганч тумани, “Шерматлар” МФЙ Гурлан кўчасида жойлашган кийим-кечак савдо дўконларида ёнғин содир бўлган. Бу ҳақда ФВВ матбуот хизмати хабар қилди.
Хабарга кўра, 8 та ёнғин-қутқарув экипажи соат 12:59 да ҳодиса жойига етиб борган. Ёнғин соат 13:20 да ўраб олиниб, соат 13:50 да ўчирилган.
Ҳодиса оқибатида тан жароҳати олган ва вафот этганлар йўқ.
"Ҳозирда ёнғин сабаби ва келтирилган моддий зарар миқдори аниқланмоқда",- дейилади хабарда.