Бугун, 4 ноябрь куни соат тахминан 07:00 атрофида Тошкент вилояти Оҳангарон туманидаги автомобиль йўлида аянчли йўл-транспорт ҳодисаси содир бўлди. Бу ҳақда Тошкент вилояти ИИББ Матбуот хизмати хабар берди.
Аниқланишича, ҳайдовчи Д.Б. бошқарувидаги Cobalt автомобили ҳаракатланаётган вақтда йўлнинг мумкин бўлган қисмидан қайрилиб олаётган ҳайдовчи О.Д. бошқарувидаги Isuzu автобуси билан тўқнашиб кетган.
Ушбу ЙТҲ натижасида автоуловларда қисқа туташув содир бўлиши оқибатида ёнғин келиб чиққан. Ёнғин ҳудудий Фавқулодда вазиятлар бошқармаси ходимлари томонидан бартараф этилган. Ёнғин натижасида атрофдаги бошқа фуқароларга зарар етмаган.
Ҳозирда ҳолат юзасидан Оҳангарон тумани ИИБ ходимлари томонидан суриштирув ишлари олиб борилмоқда.
