Гидрометеорология хизмати агентлигининг маълум қилишича, яқин кунларда Ўзбекистон бўйича ёғингарчилик кутилмайди.
Бугун, 30 октябрда Қорақалпоғистон Республикасида, Тошкент вилоятининг тоғ олди ва тоғли ҳудудларида баъзи жойларда бироз ёмғир ёғади.
Ҳаво ҳарорати 3 ноябрь кунига келиб, кечаси +10...+12 даражагача, кундузи +23...+25 даражагача кўтарилади.
4 ноябрь кунидан шимолий ҳудудларга нам ҳаво массалари кириб келиши кутилмоқда, бу ҳодиса кейинги кунларда республиканинг барча ҳудудларига таъсир этади.
4 ноябрда Қорақалпоғистон Республикаси ва Хоразм вилоятида, 5-7 ноябрь кунлари Ўзбекистоннинг катта қисмида ёмғир ёғади, тоғли ҳудудларда қорга айланади.
7 ноябрь кунига келиб, ҳарорат кечалари +6...+9 даража илиққача, кундузги ҳарорат +12...+17 даражагача пасайиши кутилмоқда.
Кейинчалик ой давомида шимолий ҳудудлар бўйича ҳарорат кечалари 0...+5 даража илиқдан -5...-10 даража совуққача, кундуз кунлари +12...+17 даража илиқдан 0...-5 даража илиққача ўзгариб туриши кутилмоқда.
Жанубий ҳудудлар бўйича ҳаво ҳарорати кечалари +5...+10 даража илиқ, кундуз кунлари +18...+23 даража илиқдан +7...+12 даража илиққача ўзгариб туради.
Марказий ва шарқий вилоятлар бўйича ҳарорат кечалари +2...+7 даража илиқдан -3...-8 даража совуққача, кундуз кунлари +15...+20 даража илиқдан +3...+8 даража илиққача ўзгариб туриши кутилмоқда.
Тошкент шаҳрида 30 октябрь куни кундузги ҳарорат +13...+15 даражани ташкил этади.
31 октябрдан 3 ноябргача ёғингарчилик бўлиши эҳтимоли кам, ҳарорат аста-секин кўтарилади ва 3 ноябрга келиб, ҳарорат кечаси +9...+11 даражани, кундузи +23...+25 даражани ташкил этади.
