Испаниянинг Валенсия шаҳрида кучли сел келиши ва сув тошқинлари оқибатида 50 кишидан ортиқ одам ҳалок бўлди, дея хабар берди минтақавий ҳокимият.
"Айни пайтда, дастлабки маълумотларга кўра, ҳалок бўлганлар сони 51 нафарни ташкил этмоқда. Жабрланганларни аниқлашни ишларини олиб боряпмиз," - дейилади Ягона тезкор-мувофиқлаштириш маркази (Cecopi) расмий баёнотида.
Маълумот ўрнида, сел сув тошқини натижасида Валенсияда кўприк қулаб тушди, Малагада поезд рельсдан чиқиб кетди. Кучли жала, дўл ва кучли шамол сабаб сув тошқинлари келиб чиқди ва бунинг оқибатида бир неча киши бедарак йўқолган.
