Uzbekistan Airways Матбуот хизматининг хабар беришича, бугун, 30 октябрь куни HY282 рейси бўйича Истанбулдан Тошкентга учаётган самолёт бортида бўлган йўловчи ўзини ёмон ҳис қилгани учун самолёт командири Анқара халқаро аэропортига қўнишни сўраган.
Тошкент вақти билан 10:12 да самолёт муваффақиятли равишда Анқара шаҳридаги аэропортга қўнди. Тиббий хизматлар йўловчини рейсдан тушириб, тиббиёт муассасасига етказишди.
Тошкент вақти билан 13:20 да самолёт Анқарадан Тошкентга учиб кетди. Самолёт Тошкент халқаро аэропортига 16:10 да етиб келиши кутилмоқда.
