“Ўзэнергоинспекция” томонидан нефть маҳсулотларини етказиб бериш ва уларни сотувга чиқарилиши юзасидан назорат тадбирлари ўтказилди.
Юнусобод туманида жойлашган “С.Г.О.” МЧЖга қарашли автомобилларга ёқилғи қуйиш шохобчасида сотилаётган автобензиндан намуна олиниб, лаборатория таҳлилларидан ўтказилган.
Оқибатда AI-92 ва AI-95-русумли автобензин давлат стандарт талабларига мос келмаслиги (сифатсиз) маълум бўлган.
Шунингдек, бу каби ҳолат Шайхонтоҳур туманида жойлашган “Э.О.П.” МЧЖга қарашли АЁҚШда ҳам аниқланган.
"Мазкур ҳолатлар юзасидан қоидабузарликка йўл қўйган ушбу АЁҚШларда камчиликлар бартараф этилгунга қадар биржа савдоларида иштирок этиши вақтинча тўхтатилди",- дейилади хабарда.
