Аввалроқ, Тошкент шаҳрида ҳайвонлар қиёфасида ниқобларни тақиб олган квадроберлар пайдо бўлгани ва ИИВ огоҳлантириш билан чиққани ҳақида хабар қилган эдик.
“МЖтКга мувофиқ, ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши БҲМнинг 5 баробаригача (1 миллион 875 ми сўмгача) жаримага тортишга сабаб бўлади”,- дейилган ИИВ хабарида.
Маълум қилинишича, худди шундай ҳуқуқбузарликлар маъмурий жазо чораси қўлланилганидан кейин 1 йил давомида такрор содир этилган бўлса, БҲМнинг 5 бараваридан 10 бараваригача миқдорда жарима солишга сабаб бўлади.
Шунингдек, мазкур ҳаракатлар билан фуқароларга ҳақоратомуз шилқимлик қилиш ва жамоат тартибини бузиш, фуқароларнинг осойишталигини бузувчи шу каби хатти-ҳаракатларда ифодаланган жамиятда юриш-туриш қоидаларини қасддан менсимаслик МЖтКнинг 183-моддаси (майда безорлик) БҲМнинг 3 бараваридан 5 бараваригача жарима соишга ёки 15 суткагача муддатга қамоққа олишга сабаб бўлади.
