Аввалроқ, ижтимоий тармоқларда Gentra ҳайдовчиси пиёдалар йўлни кесиб ўтаётган пайтда қарама-қарши ҳаракат бўлагига чиқиб кетгани акс этган видео тарқалиб, муҳокамаларга сабаб бўлган эди.
Аниқланишича, ушбу ҳолат жорий йилнинг 20 октябрь куни пойтахтнинг Миробод туманидаги Темирйўлчилар кўчасида юз берган.
Тошкент шаҳар ИИББ ЙҲХБ маълумотларига кўра, 24 ёшли ҳайдовчига нисбатан маъмурий ҳуқуқбузарлик тўғрисида баённома расмийлаштирилиб, автомобиль жарима майдончасига жойлаштирилган.
