"Ўзенергоинспекция" матбуот хизматининг маълум қилишича, подстанциялар ва трансформатор пунктларидаги контактлар ва болт бирикмаларининг вужудга келадиган чўғланишини аниқлаш мақсадида ҳудудларда иссиқлик визуализацияси ўтказилган.
Натижада 112 та подстанциядаги 356 та электр қурилмаларида меъёрдан ортиқча қизиб кетиш ҳолатлари кузатилиб, авариявий узилишлар, ускуналарнинг ишдан чиқиши ва истеъмолчилар томонидан асосли эътирозлар келиб чиқиши аниқланган.
Ўрганишлар натижасида "Ўзенергоинспекция" томонидан тегишли ҳужжатлар расмийлаштирилди. Корхоналарга носозликларни бартараф этиш бўйича кўрсатмалар берилиб, ижроси назоратга олинди.
