9 октябрь куни "Абока 2" қўшиғи учун клип олган блогерлар 15 суткага қамалиб, жаримага тортилгани ҳақида хабар бергандик.
Тошкент шаҳар суди Матбуот хизматининг UzNews.uz’га хабар қилишича, бугун, 15 октябрь куни Жиноят ишлари бўйича Тошкент шаҳри суди апелляция инстанцияси юмористик клипи учун ҳибсга олинган brbalo мусиқий гуруҳи аъзоларига нисбатан ҳукмни ўзгартирган.
Ҳуқуқбузарлар апелляция шикоятида, айбига иқрорлигини, қилган ишидан пушаймондалигини, келгусида бундай ҳолатқайтарилмаслигини инобатга олиб, тайинланган жазони қисқартириб ёки жаримага алмаштириб беришни сўраган.
Апелляция инстанция суди апелляция шикоятида келтирилган важларини иш ҳужжатлари асосида ўрганиб, қуйидагиларга асосан маъмурий ҳуқуқбузарлик тўғрисидаги иш бўйича қабул қилинган суд қарорини ўзгартиришни лозим деб топган.
Суд қарори билан Юсупов Камал Ринатович ва Гулямов Аброрходжа МЖтКнинг 183-моддаси ва 194-моддаси 1-қисми билан айбдор деб топилиб, жазо 6 сутка қамоқ сифатида қисқартирилган.
