Аввалроқ, ижтимоий тармоқларда Бухоро вилояти Когон шаҳрида фуқароларнинг жанжали акс этган видео тарқалиб, кенг муҳокамаларга сабаб бўлган эди.
Маълум қилинишича, Когон шаҳрида 1971 йилда туғилган А.Г. (эркак) илгаридан мавжуд бўлган келишмовчилик оқибатида танишлари аёл Н.А. ҳамда У.Д. (эркак) ни қасддан ўлдиришни мақсад қилган. Натижада жорий йилнинг 13 октябр куни тахминан соат 13:10да уларнинг танасининг турли соҳаларига ошхона пичоғи билан урган. Оқибатда У.Д. шаҳар тиббиёт бирлашмасида олган тан жароҳатлари билан вафот этган.
Антқланишича, аёлга шифохонада зарур тиббий ёрдам кўрсатилмоқда.
Мазкур ҳолат юзасидан Когон шаҳар
прокуратураси томонидан фуқаро А.Г.га нисбатан ЖКнинг 25, 97-моддаси 2 - қисми "а" банди билан жиноят иши қўзғатилган. Ҳозирда у процессуал тартибида ушланган.
