Асли қашқадарёлик бўлган 41 ёшли аёл тирикчилик учун Самарқандга келиб, ўзининг 13 ёшли қизини пуллашга уринди. Бу ҳақда "Замон" информацион дастурида маълум қилинди.
У харидор аёлга ўз қизини 25 минг АҚШ долларига баҳолаб, ресторанда ўтирганида қўлга олинган. Аёлнинг ёнидан қизини сотишдан олган пуллар топилган.
"Қизингизни фарзандликка беринг, деди. Билмасам, чақалоқлигидан ўзим катта қилганман, дедим. Уй-жойингиз йўқ экан. Шу қизингиз эвазига биз сизга битта уй олиб берамиз, деди. Уйларни кўриб, 25 минг долларлик уйни танладим. Қилган ишимдан пушаймонман", - дейди қизини сотмоқчи бўлган она.
Суд ҳужжатларни ўрганиб, ҳукм ўқиди. Унга кўра, аёл ЖКнинг 135-моддаси 3-қисми "а" банди билан 5 йил 2 ой муддатга озодликдан маҳрум қилинди. Жазони қаттиқ тартибли колонияда ўташ белгиланди.
Унинг фарзандлари эса давлат ҳимоясига олинди.