Ўзбекистон ташқи ишлар вазири Бахтиёр Саидов Кабо-Верде ташқи ишлар, ҳамкорлик ва минтақавий интеграция вазири доктор Руй Алберто де Фигейредо Соареш ва Сейшел ороллари ташқи ишлар ва туризм вазири Силвестр Радегонд жаноблари билан учрашди.
Бахтиёр Саидовнинг Telegram-каналида ёзишича, Ўзбекистон мазкур икки мамлакат билан қўшма коммюнике имзолаган.
"Истиқболли ҳамкорликнинг муҳим йўналишлари, айниқса, халқ дипломатияси ва сайёҳлик алмашинувини ривожлантиришда кўплаб имкониятлар мавжудлигини таъкидладик", - дейилади хабарда.
