Бехзод Мусаев Ташқи меҳнат миграцияси агентлиги раҳбари этиб тайинланади. Бу ҳақда президент иштирокида ўтказилаётган йиғилишда маълум қилиди.
Қайд этилишича, Ташқи меҳнат миграцияси агентлиги ҳукумат бўйсунувига ўтказилади.
Агентликка фуқароларнинг хориждаги юқори даромадли меҳнат бозорларига кириши бўйича бошланган ишларни жадаллаштириш топширилди. Ҳокимлар ва хориждаги дипломатик ваколатхоналар хорижда меҳнат қилаётган юртдошларимиз тақдири учун агентлик билан тенгма-тенг жавобгар бўлиши белгиланди.
Эслатиб ўтамиз, Бехзод Мусаев шу вақтга қадар камбағалликни қисқартириш ва бандлик вазири лавозимида ишлаб келаётган эди.
