2024 йил 23 сентябрь куни Олий Мажлис Қонунчилик палатасининг навбатдаги мажлисида депутатлар Ўзбекистон камбағалликни қисқартириш ва бандлик вазири лавозимига Ботир Зоҳидов номзодини кўриб чиқдилар.
Мажлисда Ботир Зоҳидов камбағалликни қисқартириш ва бандлик соҳасидаги ислоҳотларнинг самарадорлигини ошириш мақсадида келгусида амалга ошириладиган ишлари бўйича ўз Ҳаракатлар дастури ҳақида ахборот берди.
Депутатлар Ботир Зоҳидов номзодини Ўзбекистон камбағалликни қисқартириш ва бандлик вазири лавозимига маъқулладилар.
Эслатиб ўтамиз, Ботир Зоҳидов 2022 йилнинг сентябрь ойида Тошкентнинг Шайхонтоҳур туманига ҳоким этиб тайинланган эди.
