Бугун, 18 сентябрь куни соат 10:01 да Учтепа тумани Алмоний кўчасида жойлашган Тикувчилик корхонасида ёнғин содир бўлди. Бу ҳақда ФВВ Матбуот хизмати хабар қилди.
Маълум бўлишича, ёнғин қутқарув экипажлари манзилга соат 10:05 да етиб борган. Ёнғин соат 10:17 да қуршаб олиниб, соат 10:31 да батамом ўчирилган.
Ёнғин натижасида тан жароҳати олган ва вафот этган фуқаролар йўқ.
"Ҳозирда ёнғин сабаби ва моддий зарари аниқланмоқда", - дейилади хабарда.