Ўзбекистон футзал миллий терма жамоаси Жаҳон чемпионатидаги илк учрашувда оқ либосда майдонга тушади. Бу ҳақда ЎФА Матбуот хизмати хабар берди.
Хосе Венансио Лопес бошқарувидаги Ўзбекистон миллий терма жамоаси жорий йил 14 сентябрь куни Нидерландияга қарши ўйин билан 2024 йилги футзал бўйича ФИФА жаҳон чемпионатидаги иштирокини бошлайди. Мазкур учрашувда ўзбекистонлик футзалчилар тўлиқ оқ либосда, дарвозабон эса қора либосда ҳаракат қилади.
Ушбу учрашув 14 сентябрь куни соат 20:00 да "Humo arena"да старт олади. Учрашув олдидан мусобақанинг расмий очилиш маросими бўлиб ўтади.
