Бугун, 10 сентябрь куни футбол бўйича Ўзбекистон миллий терма жамоаси 2026 йили бўлиб ўтадиган жаҳон чемпионати саралаш баҳсларининг 3-босқич доирасидаги 2-тур учрашувини ўтказади.
Ўзбекистон МТЖ футболчилари сафарда Қирғизистон МТЖга қарши баҳс олиб боради. Ушбу учрашув Бишкекдаги "Долен Омурзаков" стадионида соат 19:00 да бошланади.
Бугунги ўйинни кувайтлик ҳакам Аҳмад Ал Али бошчилигидаги ҳакамлар бригадаси бошқариб боради. Унга қанотларда ҳамюртлари Абдулҳади ал-Анези ва Аҳмад Аббос ёрдам беради. 4-расмий ҳакам сифатида эса Аммар Ашканони ишлайди.
Шунингдек, Абдуллоҳ Жамоли (Қувайт) VAR ҳаками сифатида фаолият юритади.