Президент “Ўзбекистон Республикасининг Маъмурий жавобгарлик тўғрисидаги кодексига пиротехника воситаларининг ноқонуний айланиши учун жавобгарликни кучайтиришга қаратилган ўзгартишлар киритиш ҳақида”ги қонунни имзолади.
Ўзгартишларга кўра, пиротехника воситаларидан қонунга хилоф равишда фойдаланиш жиноят ашёлари мусодара қилинган ҳолда БҲМнинг 5 бараваридан 20 бараваригача миқдорда жарима солишга сабаб бўлади.
Пиротехника маҳсулотларини қонунга хилоф равишда ишлаб чиқариш, тайёрлаш, сақлаш, ноқонуний ташиш, жўнатиш, шунингдек, республикадан ноқонуний олиб чиқиб кетиш ҳуқуқбузарлик ашёлари мусодара қилинган ҳолда БҲМнинг 15 бараваридан 30 бараваригача миқдорда жарима солишга сабаб бўлади.
Пиротехника маҳсулотларини республикага ноқонуний сотиш ёки олиб кириш жиноят ашёлари мусодара қилинган ҳолда БҲМнинг 25 бараваридан 50 бараваригача миқдорда жарима солишга сабаб бўлади.
Илгари пиротехника маҳсулотларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, ишлатиш, олиб кириш, экспорт қилиш ёки сотиш қоидабузарлик ашёлари мусодара қилинган ҳолда БҲМнинг 5 бараваридан 20 бараваригача миқдорда жарима солишга сабаб бўлган.