Рақобатни ривожлантириш ва истеъмолчилар ҳуқуқларини ҳимоя қилиш қўмитаси томонидан 49,4 мингдан ортиқ ҳолат аниқланди.
Текширувлар давомида Fair Tech тизими орқали келиб тушган аризалар бўйича 473 та дорихонада, шундан 133 таси улгуржи ва 340 таси чакана савдо дўконларида ҳуқуқбузарликлар қайд этилди. Асосланмаган даромадларнинг умумий миқдори қарийб 5,4 млрд сўмни ташкил этди.
Энг кўп қоидабузарликлар Тошкентга тўғри келади - 71 та дорихонада дори воситаларини оширилган нархларда сотишдан тушган даромад 1,9 млрд сўмни ташкил этди. Кейинги ўринларда Наманган - 1,1 млрд сўм (44 та дорихона) ва Сурхондарё вилояти - 914 млн сўм (7 та дорихона) туради.
Энг кам қоидабузарликлар Хоразм вилоятида - 5 та дорихона 10 млн сўм ва Қашқадарё вилоятида - 18,8 млн сўм (18 та дорихона) даромад олган.
Қайд этилишича, маблағлар истеъмолчилар фойдасига қайта ҳисоб-китоб қилинди ва истеъмолчиларнинг номуайян доираси ҳуқуқларини тиклаш чоралари кўрилди.