Қорақалпоғистон Рақобат қўмитаси "Нукус халқаро аэропорти” МЧЖ томонидан амалга оширилган танлов савдоларида қонун талабларига риоя қилинганлиги юзасидан ўрганиш ишларини олиб борди, дея хабар бермоқда Рақобат қўмитаси.
Ўрганишлар натижасида, мазкур МЧЖ Давлат харидлари портал орқали амалга оширган 120 млн сўмлик танлов савдоларини ўтказишда Ўзбекистон “Давлат харидлари” ва “Рақобат тўғрисида”ги қонунлар талабларига риоя қилмаганлиги аниқланди.
Юқоридагиларга кўра, Қўмита махсус комиссияси томонидан “Рақобат тўғрисида”ги Қонун ҳамда Вазирлар Маҳкамасининг 225-сонли Низом талабларини бузиш аломатлари билан "Нукус халқаро аэропорти” МЧЖга нисбатан белгиланган тартибда иш қўзғатилиб, натижаси юзасидан тегишли таъсир чораси қўлланилди.