Аввалроқ, Тошкентда кўп қаватли уйларнинг атрофида катта ёнғин содир бўлгани ҳақида хабарлар тарқалди. Ҳолат юзасидан Тошкент шаҳар ФВБ маълумот берди.
Бугун, 24 август куни Тошкент шаҳар Янгиҳаёт тумани Янги Дархон кўчасида жойлашган омборхонада ёнғин содир бўлаётганлиги тўғрисида ФВБга хабар келиб тушди.
Шунга асосан ёнғин-қутқарув экипажлари зудлик билан воқеа жойига етиб бориб, ёнғинни бартараф этиш ишларини амалга оширмоқда. Вазият назорат остида.
"Ҳодиса оқибатида тан жароҳат олиш ва ҳалок бўлиш ҳолатлари тўғрисида маълумот келиб тушмади. Ёнғин юзасидан қўшимча маълумот тақдим этилади", - дейилади хабарда.