Ушбу вилоятлардаги 34 корхона помидор экспортини давом эттиришлари мумкин.
Аввалроқ, “Россельхознадзор” Қашқадарё (11 декабрдан) ва Навоий (4 декабрдан) вилоятларидан келтириладиган помидор ва қалампир импортини вақтинчалик тақиқлаганди.
Россиянинг Ветеринар ва фитосанитар назорат федерал хизмати 2021 йилнинг 1 январидан мазкур вилоятлардаги 34 корхонага қўйилган тақиқни олиб ташлади.
Россия бундай қарорни Вазирлар Маҳкамаси ҳузуридаги Ўсимликлар карантини давлат инспекцияси кафолати туфайли қабул қилган.
Вазирлар Маҳкамаси ҳузуридаги Ўсимликлар карантини давлат инспекцияси “Россельхознадзор”га ҳудудлардаги ўрганиш натижалари ва иссиқхоналарнинг ҳолатини таҳлил қилиш тўғрисидаги маълумотларни тақдим этганди.
