Аввалроқ, ижтимоий тармоқларда BMW автомобили ҳайдовчисининг тўй кортежида томоша кўрсатгани акс этган видео тарқалиб, кенг муҳокамаларга сабаб бўлган эди.
Маълум қилинишича, мазкур ҳолат Фарғона вилояти Қўқон шаҳрида юз берган. Бу ҳақда "Замон» дастури" хабар қилди.
"Яқин ўртоғимнинг тўйида машинани айлантириб, «дрифт» қилган эдим. Қилган ишимдан пушаймонман, бошқа такрорланмайди"- дейди қонунбузар ҳайдовчи.
Ҳайдовчиларга нисбатан маъмурий баённома расмийлаштирилиб, тўпланган ҳужжатлар ЖИБ Қўқон шаҳар судига юборилди.
Суд ҳукмига кўра, ҳайдовчи МЖтКнинг 183-моддасида назарда тутилган ҳуқуқбузарликни содир этган деб топилиб, унга нисбатан 7 сутка маъмурий қамоқ жазоси тайинланди.
