Ўзбекистон 2020 йилнинг 1 декабрь ҳолатига хориждан 31,9 минг тонна банан импорт қилган.
Давлат статистика қўмитаси маълумотига кўра, бу кўрсаткич ўтган йилнинг шу даври билан солиштирилганда 3,4 минг тоннага кам.
Жорий йилда Ўзбекистонга банан асосан Эквадор давлатидан (29,8 минг тонна) олиб кирилган.
Маълум қилинишича, ўтган 11 ой мобайнида Ўзбекистон бананни энг кўп импорт қилган давлатлар:
– Эквадор – 29,8 минг тонна;
– Россия – 624,9 тонна;
– Қозоғистон – 548,3 тонна;
– Хитой – 231,2 тонна;
– Қирғизистон – 223,5 тонна;
– Туркия – 213,5 тонна.
Маълумот ўрнида, жорий йилнинг ноябрь ойида 5,4 минг тонна банан импорт қилинган.
Эслатиб ўтамиз, жорий йилнинг 1 декабрь ҳолатига Ўзбекистон 11 та хорижий давлатдан қиймати 4,0 млн АҚШ долларига тенг бўлган 23,8 минг тонна мандарин импорт қилгани маълум қилинган эди.