ЖССТ маймунчечакни жамоат саломатлиги учун фавқулодда ҳолат деб эълон қилди ва Африка Касалликларни назорат қилиш ва олдини олиш марказлари илгари бундай огоҳлантиришни эълон қилган. Бунга Конго Демократик Республикасида авж олгани сабаб бўлган.
Жаҳон соғлиқни сақлаш ташкилоти (ЖССТ) маймунчечак касаллигини фавқулодда ҳолат деб эълон қилди, деб хабар қилди ЖССТ раҳбари Тедрос Гебрейесус навбатдан ташқари йиғилишда, дея хабар бермоқда Reuters.
"Ушбу эпидемияларни тўхтатиш ва ҳаётни сақлаб қолиш учун мувофиқлаштирилган халқаро жавоб зарурлиги аниқ", - деди у.
Бунга Конго Демократик Республикасида маймунчечак касаллигининг тарқалиши сабаб бўлган. Аввалроқ, шу сабабли Африка Касалликларни назорат қилиш ва олдини олиш маркази (Africa CDC) континентал соғлиқни сақлаш фавқулодда ҳолатини (PHECS) эълон қилди. Вирус қўшни давлатларга, жумладан Бурунди, Кения, Руанда ва Угандага тарқалди. Reuters таъкидлаганидек, фавқулодда вазиятнинг тан олиниши тадқиқот, молиялаштириш ва инфекция тарқалишини олдини олиш учун халқаро жавобни тезлаштиради.
CDC маълумотларига кўра, 2022 йил бошидан бери Африка қитъанинг 13 мамлакатида маймунчечак билан касалланиш ҳолати 1267 тани ва 226 та ўлим ҳолати аниқланган. Касалликнинг энг кўп ҳолатлари Нигерияда (756 та ҳолат, 7 та ўлим), Конго Демократик Республикасида (319 та ҳолат, 204 та ўлим) ва Ганада (116 та ҳолат, 4 та ўлим) аниқланган. Охирги уч ой давомида Бенин, Конго, Марокаш, Серра-Леоне ва Жанубий Африкада маймунчечак билан касалланиш ҳолатлари қайд этилмаган.
Жаҳон соғлиқни сақлаш ташкилоти 2022 йил июль ойида маймунчечак касаллигини халқаро фавқулодда ҳолат деб эълон қилди, бу 2023 йилнинг май ойида бекор қилинди. АҚШ ва Европа Иттифоқида ушбу инфекцияга қарши фақат битта вакцина тасдиқланган - Bavarian Nordic компаниясидан Imvanex. ЖССТнинг 12 августдаги ҳисоботига кўра, 2022 йил январидан 2024 йилнинг июнига қадар бутун дунё бўйлаб жами 99 176 та маймунчечак касаллиги ва 208 та ўлим ҳолати қайд этилган.
Мутахассислар хулосасига кўра, ҳозир кузатилаётган янги штамм вируснинг аввалги вариантларига нисбатан бир мунча хавфли. Хусусан, уни юқтирган беморларда ўлим даражаси 10 фоизгача етмоқда.